अनेक लोकांना स्वीट कॉर्न खायला आवडते. शहर असो वा गाव, बहुतेक लोकांना स्वीट कॉर्न कणीस खायला आवडते. लोक ते मोठ्या उत्साहाने खातात. प्रत्येकाच्या आवडीनिवडी वेगळ्या असल्या तरी, काही लोक ते भाजून खातात, तर काही लोक ते उकळवून किंवा वेगवेगळ्या स्नॅक्समध्ये मिसळून खातात. चला तर मग बनवूया स्वीट कॉर्न चे पकोडे!
स्वीट कॉर्नमध्ये व्हिटॅमिन ए, बी, ई सारखे अँटिऑक्सिडेंट, खनिज आणि पौष्टिक गुणधर्म असतात, जे अनेक आरोग्य समस्यांवर मात करण्यास मदत करतात.आणि अशाच या स्वीट कॉर्न चा काहीसा चटपटीत पदार्थ बनवला तर बच्चे कंपनी च काय तर मोठी मंडळी देखील पुन्हा पुन्हा मागून खातील हा पदार्थ! हो मग आज आपणबनवणार आहोत स्वीट कॉर्न चे चटपटीत ,स्वादिष्ट आणि पौष्टिक असे पकोडे! जे सकाळच्या किवा संध्याकाळच्या नाश्त्यासाठी एकदम परफेक्ट पदार्थ आणि तोही झटपट बनणारा, आणि टोमाटो च्या चटणी किवा सॉस बरोबर खाण्यास एकदम भारी!
तर हे स्वीट कॉर्न चे पकोडे बनवायला आपल्याला काय काय साहित्य लागेल ते बघा.
बनविण्यासाठी लागणारे साहित्य- स्वीट कॉर्न चे पकोडे
- स्वीट कॉर्ण-१ (स्वीट कॉर्ण चे दाणे सोलून मिक्सर मधून जाडसर वाटून घ्यावे)
- तांदळाचे पीठ -१/२ वाटी
- बेसन -१ चमचा
- हिरवी मिरची -४ बारीक कापलेली
- कांदा -१ बारीक कापलेला
- कढीपत्ता-२ पाने
- कोथिंबीर -४-५ काड्या बारीक कापलेला
- मीठ -१ चमचा
- ओवा -चिमुटभर
- तीळ-१/२ छोटा चमचा
- हिंग -चिमुटभर
- जिरे पावडर १/२ चमचा
- हळद -१/२ चमचा
- लाल तिखट -१ चमचा
- तेल तळण्याकरिता
बनविण्याची विधी- स्वीट कॉर्न चे पकोडे
- सर्वप्रथम मिक्सर मधून जाडसर वाटून घेतलेले स्वीट कॉर्न चे दाणे एका मोठ्या पातेल्यात काढून घ्यावे.
- आता त्यात वर दिलेल्या प्रमाणात तांदळाचे पीठ,बेसन,बारीक कापलेला कांदा,हिरवी मिरची ,कढीपत्ता,कोथिंबीर, तिखट, हळद, मीठ,ओवा,तीळ,हिंग,जिरे पावडर घालून मिश्रण चांगले एकजीव करावे.
- आता कढई त तेल गरम करून त्यात वरील मिश्रणाचे छोटे छोटे पकोडे तळून घ्यावेत.
- गरमागरम पकोडे टोमाटो ची चटणी किवा सास सोबत सर्व करावे.
स्वीट कॉर्न खाण्याचे अनेक आरोग्य फायदे आहेत. स्वीट कॉर्नचा वापर वेगवेगळ्या प्रकारे केला जातो. कारण स्वीट कॉर्नमध्ये व्हिटॅमिन ए, बी, ई सारखे अँटिऑक्सिडेंट, खनिज आणि पौष्टिक गुणधर्म असतात, जे अनेक आरोग्य समस्यांवर मात करण्यास मदत करतात. यासोबतच यामध्ये फायबरचे प्रमाणही आढळते, जे याच्या सेवनाने पचनक्रिया सुधारते. स्वीट कॉर्नमध्ये खनिज क्षारही पुरेशा प्रमाणात आढळतात.
स्वीट कॉर्नचे सेवन केल्याने आरोग्याशी संबंधित अनेक आजार बरे होण्यास मदत होते. स्वीट कॉर्नमध्ये अँटी-ऑक्सिडंट्स आणि व्हिटॅमिन्सचे गुणधर्म आढळतात, जे डोळे निरोगी ठेवण्यास मदत करतात.स्वीट कॉर्नमध्ये भरपूर लोह, व्हिटॅमिन बी 12 आणि फॉलिक आम्ल असते, जे रक्तक्षय दूर करण्यास मदत करते.